सुदूरपश्चिममा थप २७ जना कोरोना संक्रमित थपिएका छन । स्वास्थ्य निर्देशनालय डोटीका अनुसार शनिबार ३ सय ८५ जनाको एन्टिजेन परिक्षण गर्दा ६ र १ सय १८ जनाको पिसिआर परिक्षण गर्दा २१ जना गरी २७ जना संक्रमित थपिएका हुन । 

शनिबार कोरोना भाइरस संक्रमितका कारण कसैको पनि मृत्यु नभएको स्वास्थ्य निर्देशनालय दिपायल डोटीले जनाएको छ।  यस्तै ३७ जना संक्रमित निको भई घर फर्किएका छन्। 

हालसम्म पीसीआर र ऐन्टिजेन विधिबाट सुदूरपश्चिममा २ लाख ५९ हजार ३८३ नमुना परीक्षण गर्दा ४३ हजार ४६७ जनामा संक्रमण पुस्टि भएको छ भने ५७० जनाको मृत्यु भएको छ।