धनगढीको स्टार सिटी युवा क्लबले क्वारेन्टिनमा वसेकालाई सहयोग गरेको छ । धनगढी उपमहानगरपालिका वडा नम्बर ५ मा रहेको पञ्चोदय माविको क्वारेन्टिनमा वसिरहेकाहरुलाई क्लबले सहयोग गरेको हो ।

क्लबका अध्यक्ष कुमार शाहीको नेतृत्वमा क्लबका पदाधिकारी र खेलाडी सहित गएको टोलीले  खाद्यान्न सहयोग गरेको हो । एक क्वीन्टल चामल, दाल, तेल, नुन चाउचाउ लगायतका खाद्य सामाग्री दिएको क्लबका अध्यक्ष कुमार शाहीले बताए ।

खेलाडी र खेलकुद क्षेत्रभन्दा सामाजिक काममा पनि लागिरहेकोले भारतबाट फर्किएर क्वारेन्टिनमा वसेकालाई सहयोग गरेको शाहीले बताए । क्लबले विभिन्न सामाजिक काम समेत गर्दै आएको छ ।