कञ्चनपुरको भीमदत्त नगरपालिकमा बृहत् सरसफाइ अभियान सञ्चालन गरिएको छ।

नगरपालिकाले ‘फोहर मैलालाई श्रोतमा नै न्यूनीकरण गरौँ’’ भन्ने मूल नाराका साथ सुरु गरेको अभियान शनिबार पनि सञ्चालन गरिएको हो। अभियान अन्तर्गत नगरपालिकाले हरेक शनिबार सरसफाइ गर्दै आएको छ।

फोहरमैला व्यवस्थापन सम्बन्धी जनचेतना जगाउने र फोहरमैला व्यवस्थापनलाई प्रभावकारी तवरले व्यवस्थापन गर्न सहयोग पुग्ने उद्देश्यका साथ युएनडिपीको आर्थिक सहयोगमा भीमदत्त नगरपालिकाले निड्स नेपालसँगको साझेदारीमा हरित पुनर्स्थापना प्रवर्द्धन परियोजना सञ्चालन गरिरहेको छ।

नगरपालिकाले दैनिक रूपमा सरसफाइकर्मी मार्फत फोहोर सङ्कलन गरी व्यवस्थापन गर्दै आएको बताएको छ।