कैलालीको त्रिनगर नाका भएर भारतबाट नेपालीहरु आउने क्रम जारी रहेको छ । शनिवार पनि एक हजार दुई सय बढि नेपाली भारतबाट फर्किएका छन ।

भारतका विभिन्न स्थानबाट त्रिनगर नाका भएर एक हजार दुई सय ७७ नेपाली फर्किएको प्रहरीले जनाएको छ । त्यस्तै ४ सय ८८ भारतीय नागरिक पनि सो नाका भएर स्वदेश फर्किएका छन ।

त्रिनगर नाकाबाट दैनिक दुई हजारदेखि ६ हजारको हाराहारीमा फर्किने गरेकोमा पछिल्लो केही दिनयता सो संख्या घटेको जिल्ला प्रहरी कार्यालयका प्रवक्ता प्रहरी नायब उपरीक्षक प्रतिक विष्टले जानकारी दिए ।