भारतबाट आउने घटेसँगै क्वारेन्टिन वस्ने पनि घट्दै गएका छन् । सुदूरपश्चिममा कोरोना भाइरसको जोखिम न्यूनीकरणका लागि भारतबाट आएका झण्डै ५१ हजारलाई क्वारेन्टिनमा राखिएको छ ।

भारतमा कोरोना भाइरसको जोखिम भएको क्षेत्रबाट फर्किएका ५० हजार ९ सय २२ जनालाई नौँ जिल्लाका एक हजार ९ सय १८ वटा क्वारेन्टिनमा राखिएको प्रदेश स्वास्थ्य निर्देशनालय डोटीले जनाएको छ ।

क्वारेन्टिनमा राखिएका मध्ये ४२ हजार एक सय ६४ जना पुरुष र ८ हजार ७ सय ५८ जना महिला रहेका छन । उनीहरु भारत सहित कोरोनाको जोखिम भएको क्षेत्रबाट फर्किएका हुन । सुदूरपश्चिम प्रदेशमा ८२ हजार नौ सय ३१ जना अटाउने क्वारेन्टिन स्थापना गरिएको छ ।