कैलालीमा “नेपाल आइस प्रथम घोडाघोडी कप – २०७८” फुटबल प्रतियोगिता हुने भएको छ । घोडाघोडी नगरपालिका ३ मा घोडाघोडी स्पोर्टस् क्लबको आयोजनामा फुटबल प्रतियोगिता हुने भएको हो । फुटबल प्रतियोगिता मंसिर १५ गते देखि २२ गते सम्म हुने भएको छ ।

प्रथमलाई एक लाख धन राशीको पुरस्कार रहेको छ भने द्वितीयलाई पचास हजार पुरस्कार राशी रहेको आयोजकले जनाएको छ । जसको मुख्य प्रायोजकमा चौधरी ग्रुपको नेपाल आइस रहेको छ भने सह प्रायोजकमा कृषि बिकास बैंक लिमिटेड रहेको छ । “राष्ट्रका लागि खेलकुद, स्वास्थ्यका लागि खेलकुद” भन्ने मूल नाराका साथ जिल्लाको घोडाघोडी नगरपालिका ३ जुरपानी खेल मैदानमा प्रदेश स्तरीय खुला “नेपाल आइस घोडाघोडी कप –२०७८ ” फुटबल आयोजना हुने घोडाघोडी स्पोर्टस् क्लबले बिहीबार पत्रकार सम्मेलन गर्दै जानकारी दिएको हो ।

क्लबले स्थानीय स्तरका खेलाडीलाई प्रोत्साहनका साथै खेलाडीको पहिचान गराउने उद्देश्यले कपको आयोजना गरिएको जनाइएको छ । साथै घोडाघोडी – ३ जुरपानीमा निर्माण भइरहेको पार्कको प्रचार प्रसारको लागि जुरपानीमा खेल आयोजना हुने आयोजकले जनाएको छ । खेलमा ३० टिमको सहभागिता गराउने उद्देश्य लिइएको जनाएको छ ।