दार्चुलामा ढुंगा खसेर एक महिलाको मृत्यु भएको छ । जिल्लाको दार्चुला–तिंकर सडक खण्डको राताकाठा क्षेत्रमा ढुंगा लागेर दुहु गाउँपालिकाकी कलावती बडालको ज्यान गएको प्रहरीले जनाएको छ ।

राताकाठा भन्दा माथिल्लो क्षेत्रमा खानेपानी योजना निर्माण भइरहेकोले क्षेत्रबाट ढुंगा खसेर उनका घटनास्थलमै मृत्यु भएको जिल्ला प्रहरी कार्यालय दार्चुलाका प्रहरी निरीक्षक भास्कर चन्दले जानकारी दिए ।