धनगढीमा जारी प्रधानमन्त्री कप महिला राष्ट्रिय क्रिकेट प्रतियोगिता अन्तर्गत मंगलबारको पहिलो खेल भईरहेको छ । समुह ए अन्तर्गत सेमिफाईनल पुगिसकेका दुई टीम प्रदेश नम्बर १ र लुम्बिनी प्रदेश प्रतिस्पर्धा गरिरहेका हुन् । यो खेलको नतिजाले समुह ए को विजेता र उपविजेताको टुङगो लगाउनेछ ।
प्रदेश नम्बर १ ले टस जितेर पहिले ब्याटिङ गर्दै निर्धारित २० ओभरमा ३ विकेट क्षतिमा ११४ रन बनाएको छ । प्रदेश नम्बर १ का लागि अप्सरी वेगमले सर्वाधिक ४४ रन बनाईन् । टीमका लागि काजोल श्रेष्ठले ४० रन बनाउँदा कप्तान रुविना क्षेत्रीले १५ रन थपिन् ।
दोस्रो विकेटका लागि काजोल र अप्सरीले ६२ रनको साझेदारी गर्दै टीमलाई उच्च स्कोरतिर डोराएकी हुन् ।
लुम्बिनी प्रदेशका लागि नेरी थापा, मधु डिसी र सरस्वती पुनले एक एक विकेट लिईन् । ११५ रनको विजय लक्ष्य पछ्याउँदै लुम्बिनीले ब्याटिङ गरिरहेको छ ।
सम्बन्धित वर्गका समाचारहरू
