कैलालीको अत्तरियामा भईरहेको सुदूरपश्चिम राजधानी कप २०७८ को फाईनल खेल शनिबार हुने भएको छ । पिएफए स्पोटर््स क्लबको आयोजनामा भईरहेको तेस्रो संस्करणको सुदूरपश्चिम राजधानी कप महिला तथा पुरुष फुटबल प्रतियोगिताको फाईनल शनिबार हुन लागेको हो ।
गोदावरी नगरपालिका वडा नम्बर ८ मा रहेको शिवशक्ती युवा क्लबको खेल मैदान स्याउलेमा भईरहेको प्रतियोगिताको पुरुष तर्फको उपाधिका लागि आयोजकको टीम वनदेवी युवा क्लब र रेसिङ सहारा कोहलपुर भिड्ने भएका छन् । सेमिफाईनलमा वनदेवीले सुदुरपश्चिम फुटबल एकेडेमीलाई ५–१ ले हराएर उपाधि नजिक पुगेको हो । रेसिङ सहाराले फारवेष्ट पशुपति युवा क्लबलाई ३–० ले हराएर फाईनल पुगेको हो ।
महिला तर्फको उपाधिका लागि धनगढीको मनकामना युवा क्लब र कञ्चनपुरको रोयल गोखार्ज भिड्ने भएका छन् । मनकामनाले सेमिफाईनलमा आयोजक अत्तरिया एफसीलाई सडनडेथमा ४–३ ले हराएको हो ।
मनकामनाले दाङको स्पोर्टस स्कुल फुटबल एकेडेमीलाई ३–२ ले हराएर उपाधि नजिक पुगेको हो । शनिबार दुबै फाईनल खेल हुनेछन् । समापन कार्यक्रमका प्रमुख अतिथि गोदावरी नगरपालिकाका उपप्रमुख रत्ना कठायत रहेकीछिन् ।
प्रतियोगिताको पुरुषतर्फ विजेता टिमले ५ लाख र उपविजेताले २ लाख ५० हजार नगद सहित ट्रफी र मेडल प्राप्त गर्नेछन् । महिला तर्फको विजेताले १ लाख ५० हजार र उपविजेताले ७५ हजार रुपैया नगद सहित ट्रफी र मेडल प्राप्त गर्नेछन् ।
सम्बन्धित वर्गका समाचारहरू
