धनगढीस्थित सेती प्रादेशिक अस्पतालमा गरिएको परीक्षणमा थप २८ जनामा कोरोना पुष्टि भएको छ । पछिल्लो २४ घण्टामा ११२ नमुना परीक्षण गर्दा थप २८ जनामा संक्रमण पुष्टि भएको अस्पतालका सूचना अधिकारी दिलीपकुमार श्रेष्ठले जानकारी दिए ।

यस्तै २४ घण्टामा सात जना कोरोना संक्रमित विरामी अस्पतालबाट डिस्चार्ज भएका छन् । भने दुई जना नयाँ संक्रमित अस्पताल भर्ना भएका छन् । हाल अस्पतालमा २० जना संक्रमित विरामी उपचाररत छन् ।

ती मध्ये चार जनाको आइसियु र तीन जनाको भेन्टिलेटरमा उपचार भइरहेको सूचना अधिकारी श्रेष्ठले जानकारी दिए । यस्तै २४ घण्टामा कैलालीको धनगढी उपमहानगरपालिका वडा नम्बर ३ की ७४ बर्षीया महिलाको मृत्यु भएको छ ।