कञ्चनपुरमा लागूऔषधसहित २ जना पक्राउ परेका छन्। पक्राउ पर्नेमा भीमदत्त नगरपालिका–५ तिनताराकी २६ वर्षीया माया लुहार र बेदकोट नगरपालिका–७ का पदम ओड रहेको जिल्ला प्रहरी कार्यालय कञ्चनपुरले जनाएको छ।  

उनीहरुलाई बुधबार भीमदत्त नगरपालिका–११ गड्डाचौकी ब्यारेलबाट ७ ग्राम १६ मिलीग्राम खैरो हेरोइन र ६० मिलीग्राम चरेसहित पक्राउ गरिएको प्रहरीले बताएको छ।

बनबासाबाट नेपाल आउने क्रममा इलाका प्रहरी कार्यालय गड्डाचौकीबाट खटिएको प्रहरीले जाँच गर्दा उनीहरु समातिएका थिए। पक्राउ परेका दुवैमाथि थप अनुसन्धान भइरहेको कञ्चनपुर प्रहरीले जानकारी दिएको छ।