कैलाली जिल्ला फुटबल संघको कार्य समिति विस्तार भएको छ । नयाँ नेतृत्व चयन भएपछि मंगलबार धनगढीमा भएको कार्य समितिको बैठकले समिति विस्तार गरेको हो ।
कैलाली जिल्ला फुटबल संघका अध्यक्ष अनिल मल्लको अध्यक्षतामा भएको बैठकले महासचिवमा ललित मिश्र (विजय स्पोर्टस क्लब) कोषाध्यक्षमा अमृत चौधरी (धनगढी युवा क्लब) र सह-कोषाध्यक्षमा भागीराम चौधरी (हसनपुर युवा क्लब) लाई मनोनित गरिएको हो ।
मंगलबार नै नयाँ नेतृत्वले शपथ ग्रहण गरेको छ । उनीहरुलाई निर्वाचन समिति संयोजक रेणु प्रधान श्रेष्ठले शपथ ग्रहण गराएकी हुन् ।
कैलाली जिल्ला फुटबल संघको वैशाख ३ गते भएको निर्वाचनमा अध्यक्षमा अनिल मल्ल, उपाध्यक्षमा कुमारबहादुर शाही, जितेन्द्र कुमार बोगटी र रजबहादुर थापा तथा सदस्यहरुमा आरती आचार्य, मोहित कुमार साह, तेज बम, चन्द देव बम, हर्क दानपाली, होम तामाङ, कृष्ण बहादुर चौधरी, नरेन्द्र बहादुर डगौरा, देवीराम जैसी, सुरेश चौधरी र श्याम विष्ट चयन भएका थिए ।
उनीहरुलाई पहिलो बैठकमा शपथ ग्रहण गराईएको कैलाली जिल्ला फुटबल संघले जनाएको छ ।
सम्बन्धित वर्गका समाचारहरू
