धनगढी उपमहानगरपालिका वडा नम्बर ६ को क्वारेन्टिनमा वसेकाहरुलाई घर पठाईएको छ । वासुदेवी माविको क्वारेन्टिनमा रहेकाहरुलाई विदाई गर्दै घर पठार्ईएको हो । त्यहाँ वसिरहेका ५६ जनालाई न्यु हाम्रो उपदेश युवा क्लबले विदाई गरेको हो । आरडिटी रिर्पोट नेगेटिभ आएपछि उनीहरुलाई फुल दिएर विदाई गरिएको क्लबका अध्यक्ष श्रवण देउवाले बताए ।
न्यु हाम्रो उपदेश युवा क्लबले वासुदेवी क्वारेन्टिनमा रहेकाहरुलाई लगातार १३ दिनदेखि खाजा नास्ता खुवाउँदै आएको थियो । जेठ २५ गतेदेखि सोमवारसम्म दैनिक रुपमा क्लबले विभिन्न व्यक्तीहरुको सहयोगमा खाजा खुवाउँदै आईरहेको थियो । यो अभियानमा सहयोगीदाताहरुको रुपमा गणेश श्रेष्ठ, चक्र बम, टेक मल्ल, भोजराज जोशी, अर्जुन भट्ट, श्रवण देउवा, सुरस्वती भट्ट, दशीराम चौधरी, धनगढी लेडिज जेसिज, प्रतीक्षालय निर्माण समिति रहेका थिए ।
क्लवका पदाधिकारी र स्वयंसेवकहरुले खटेर क्वारेन्टिनमा वसेकाहरुलाई खाजा खुवाएका थिए । यसअघि क्लबले गाउँभरी सेनेटाईजर गरेको थियो भने सावुन पनि वितरण गरेको थियो । वडामा लकडाउनको पालना गराउन सक्रिय क्लबले विभिन्न सामाजिक कार्य गर्दै आएको छ ।
सम्बन्धित वर्गका समाचारहरू
