कैलालीमा क्वारेन्टिनबाट घर पठाइएका अर्का युवकको पनि मृत्यु भएको छ। जिल्लाको जानकी गाउँपालिका वडा नम्वर ९ पूर्व खैरीफाटा टोलका ३४ बर्षीय एक युवकको क्वारेन्टिनबाट घर फर्किएपछि मृत्यु भएको जिल्ला प्रहरी कार्यालय कैलालीका प्रहरी नायव उपरिक्षक प्रतिक विष्टले बताए।

मृतकको स्वाब संकलन गरी परीक्षणका लागि धनगढी ल्याउने कार्य भईरहेको उनले बताए। जेठ १५ गते भारतबाट आएका उनी २८ गते श्रीमती र छोरीसंगै क्वारेन्टिनबाट घर फर्किएका थिए। उनीहरू जनता आधारभूत विद्यालयमा बनाएको क्वारेन्टिन बसेका थिए।

यसअघि १३ दिन क्वारेन्टिनमा बसेर आइतबार घर फर्किएका कैलालीको लम्कीचुहा नगरपालिका ७ का ३६ बर्षीय युवकको मृत्यु भएको थियो।