१२ औं केन्द्रीय स्तरीय राष्ट्रपति रनिङ सिल्ड खेलकुद प्रतियोगिता २०७९ मा सुदूरपश्चिम प्रदेश ईतिहासमै पहिलो पटक तेस्रो भएको छ । काठमाडौंमा राष्ट्रिय खेलकुद परिषद् (राखेप) को आयोजनामा भएको प्रतियोगितामा सात वटै प्रदेशको सहभागीता रहेकोमा सुदूरपश्चिमले पहिलो पटक तेस्रो स्थान हासिल गरेको हो ।
हालसम्मको सहभागीतामा तेस्रो स्थान पहिलो पटक प्राप्त भएको सुदूरपश्चिम प्रदेश खेलकुद परिषदका सदस्य सचिव दिपकवहादुर सिंहले जानकारी दिए । प्रतियोगितामा पहिलो दोस्रो र तेस्रो स्थान प्राप्त गर्नेलाई नगद सहित ट्रफी प्रदान गरिदै आईएको छ ।
सुदूरपश्चिम प्रदेश खेलकुद परिषदको आयोजनामा भएको प्रदेश स्तरीय राष्ट्रपति रनिङ सिल्ड खेलकुद प्रतियोगितामा उत्कृष्ट प्रदर्शन गरेका खेलाडीहरुले केन्द्रीय स्तरीय प्रतियोगितामा भाग लिएका थिए ।
सो प्रतियोगितामा सुदूरपश्चिम प्रदेशले तेश्रो स्थानमा रहँदा सुदूरपश्चिम प्रदेशले ८ स्वर्ण, ९ रजत र ८ कांस्य जित्यो । प्रदेश संरचनामा प्रतियोगिता आयोजना भएको तेश्रो पटक हो । यसअघि सुदूरपश्चिम प्रदेशले विकास क्षेत्रको रुपमा सहभागीता जनाउँदै आएको थियो ।
सम्बन्धित वर्गका समाचारहरू
