कैलालीको गोदावरी नगरपालिकामा वुधवार थप ३२ जनामा कोरोना पुष्टि भएको छ । धनगढी स्थित प्रयोगशालामा परिक्षणका क्रममा वुधवार थपिएका ५७ जनामध्ये ३२ जना गोदावरी नगरपालिकाका रहेका छन् ।

उनीहरुमध्ये चार महिला र २८ पुरुष रहेका छन् । त्यसमा एक ५ बर्षीया वालिका पनि रहेकी छिन् भने ८ बर्षको वालक पनि रहेका छन् । योसँगै गोदावरी नगरपालिकामा मात्रै संक्रमितको संख्या ११३ पुगेको छ ।

यसअघि मंगलवार मात्रै एकै वडाका ४३ जना सहित ४४ जनामा कोरोना पुष्टि भएको थियो । मंगलवारसम्म नगरपालिकामा ८१ जना संक्रमित रहेका थिए ।