घाइतेको उपचारका लागि सेनाको हेलिकोप्टर पुगेको छ ।

बाजुराको त्रिवेणी नगरपालिका–७ मा सुरक्षाकर्मीले हानेको गोली लाग्दा एक जनाको मृत्यु भएको छ । मृत्यु हुनेमा सोही नगरपालिका वडा नम्बर ७ का अन्दाजी २८ वर्षीय संजिव अयडी रहेका छन्। 

उक्त घटनामा दर्जनौँ स्थानीय घाइते भएका छन् । घाइतेको उपचारका लागि नेपाली सेनाको हेलिकोप्टर त्यहाँ पुगेको छ । घाइतेको पहिचान भने हुन सकेको छैन । 

नेपाली कांग्रेस र एमालेका कार्यकर्ताबीच  झडप भएपछि स्थितिलाई नियन्त्रणमा लिन गोली चलाइएको जिल्ला प्रहरी कार्यालय बाजुराका प्रहरी नायब उपरीक्षक सूर्य थापाले जानकारी दिए ।