कैलालीमा बञ्चरो प्रहार गरी श्रीमतीको हत्या गरेको आरोपमा श्रीमान पक्राउ परेका छन्।  जिल्लाको टीकापुर नगरपालिका वडा नम्बर १ गणेशपुर शिबिर बस्ने ६० वर्षीय भागिरथ जैशी आफ्नी श्रीमती ५९ वर्षीया मुगादेबी जैशीको हत्या आरोपमा पक्राउ परेका हुन्।जिल्ला प्रहरी कार्यालय कैलालीका अनुसार मंसिर २६ गते राति बजेको भागिरथले श्रीमतीमाथि बञ्चरोले टाउकोमा प्रहार गरेका हुन्।

उनले बञ्चरोले टाउकोमा प्रहार गरेपछि घाईते भएकी मुगादेवीलाई उपचारको लागि आफन्तहरुले टीकापुर अस्पतालमा लगिएको थियो। तर, सामान्य उपचारपश्चात थप उपचारको लागि कोहलपुर बाँके रेफर गरिएको थियो। त्यसपछि उपचारकै क्रममा रहेकी उनलाई बिहीबार बेलुका घर लैजान्छौ भनेर आफन्तले ९माईती घर० कैलालीको मोहन्याल गाँउपालिका वडा न ७ ज्यामीरे भन्ने ठाउँमा ल्याएको जिल्ला प्रहरी कार्यालयका प्रहरी नायव निरीक्षक ९डिएसपी० वेदप्रकाश जोशीले बताए। घाईते मुगादेवीलाई घर ल्याएपछि उनको घरमै मृत्यु भएको उनले बताए।

यस्तै मृतकका श्रीमान भागिरथलाई पक्राउ गरेर हिरासत कक्षमा राखि अनुसन्धान भईरहेको प्रहरीले जनाएको छ। मृतकको शव भने पोष्टमार्टमपश्चात मृतकका छोरा पवन प्रसाद जैशीले बुझेर लगेका थिए।