अन्तर्राष्ट्रिय क्रिकेट परिषद् (आईसीसी) का अध्यक्ष शशांक मनोहरको कार्यकाल सकिएको छ । दोस्रो पटकको दुई वर्षे कार्यकाल सकिएपछि मनोहरले राजीनामा दिएको आईसीसीले जनाएको छ ।

मनोहरले चाहेको भए तेस्रो कार्यकालको लागि आवेदन दिन सक्ने थिए तर उनले राजीनामा नै दिएको आईसीसीले जनाएको छ । आईसीसीको बोर्ड बैठकले अहिले उपाध्यक्ष रहेका इमरान ख्वाजालाई अन्तरिम अध्यक्ष बनाएको छ ।

चुनावी प्रक्रियाबाट अर्को अध्यक्ष चयन नभएसम्मको लागि ख्वाजालाई कार्यवाहक अध्यक्ष बनाइएको आईसीसीले जनाएको छ ।