पछिल्लो २४ घण्टामा ८४ हजार ७३२ कोरोना भाइरस (कोभिड–१९)का संक्रमित थपिएका छन् । सबैभन्दा धेरै अमेरिकामा २२ हजार २३९ संक्रमितको पहिचान भएको छ ।
रसियामा १० हजार ८९९, ब्राजिलमा ८ हजार ४५९, भारतमा ३ हजार ५२४, बेलायतमा ३ हजार ४०३, स्पेनमा १ हजार ३७७, इटलीमा १ हजार ४०२ कोरोना संक्रमित थपिएका छन् ।
कोरोना भाइरस (कोभिड–१९)का कारण पछिल्लो २४ घण्टामा ५ हजार ३१३ जनाको मृत्यु भएको छ । सबैभन्दा धेरै अमेरिकामा १ हजार ६२३ जनाको मृत्यु भएको छ ।
ब्राजिलमा ७७९, बेलायतमा ६२७, स्पेनमा १७६, फ्रान्समा ३४८, इटलीमा १७२ तथा रुसमा १०७ जनाको कोरोना संक्रमणका कारण २४ घण्टामा मृत्यु भएको छ ।
२१५ देशमा फैलिएको कोरोनाका कारण ज्यान गुमाउनेको संख्या २ लाख ९२ हजार ३९४ पुगेको छ ।
विश्वभर कोरोना संक्रमितको संख्या ४३ लाख ३७ हजार २२ पुगेको छ । १५ लाख ९६ हजार ७६३ जना कोरोना संक्रमित निको भइसकेका छन् ।
२४ लाख ४७ जहार ८६५ कोरोना संक्रमित उपचाररत छन् । यसमध्ये ४६ हजार ३४३ को स्वास्थ्य अवस्था गम्भीर र बाँकीको सामान्य रहेको छ ।
सम्बन्धित वर्गका समाचारहरू
