सुदूरपश्चिममा हालसम्म ३६९१ जना कोरोना संक्रमित पुगेका छन् । त्यसमा १०१ जना मात्रै अस्पतालको आईसोलेसनमा रहेको सुदुरपश्चिम स्वास्थ्य निर्देशनालयले जनाएको छ ।

सुदूरपश्चिम प्रदेशका एक सय एक जना संक्रमितको विभिन्न अस्पतालमा उपचार भईरहेको छ भने झण्डै दुई हजार नौँ सय संक्रमति भने क्वारेन्टिन र घरमै रहेका छन् । निर्देशनालयका अनुसार टीकापुर अस्पतालमा ४२, मालाखेती अस्पतालमा २०, महाकाली अस्पतालमा १३, सेती अस्पतालमा १२, अछाम अस्पतालमा १०, डोटी र बाजुरा अस्पतालमा दुई दुई जना गरी एक सय एक जनाको उपचार भईरहेको छ ।

सुदूरपश्चिममा ८ जना संक्रमितको मृत्यु भईसकेको छ । स्वास्थ्य तथा जनसङख्या मन्त्रालयका अनुसार सुदूरपश्चिममा संक्रमितको सङख्या तीन हजार ६ सय ९१ पुगेको छ ।