![ss](/sites/default/files/styles/flexslider_full/public/2024-06/dhn.jpg?itok=CJAu9Bd7)
धनगढी उपमहानगरपालिकाको अध्यावधिक बेरुजु ३२ करोड बढी देखिएको छ । महालेखा परिक्षकको प्रतिवेदन अनुसार हालसम्म धनगढी उपमहानगरपालिकाको बेरुजु ३२ करोड ४८ लाख ७१ हजार पुगेको छ । आर्थिक बर्ष २०७९र८० मा उपमहानगरपालिकाको बेरुजु ४ करोड ५२ लाख ९३ हजार देखिएको छ । सो मध्ये १ करोड ९६ लाख ५७ हजार प्रतिक्रियाबाट फच्र्यौट भई बाँकी बेरुजु अशुल गर्नुपर्ने ९२ लाख ३ हजार रहेको छ ।
![](https://khabarkunj.com/sites/default/files/2022-11/nisarg.gif)
प्रमाण कागजात पेस गर्नुपर्ने १ करोड ४५ लाख ६४ हजार, नियमित गर्नुपर्ने ७२ हजार, पेश्की बाकीँ १७ लाख ९७ हजार समेत गरी २ करोड ५६ लाख ३६ हजार रहेको छ । उपमहानगरपालिकाको गत बर्षसम्म ३६ करोड ७ लाख २४ हजार बेरुजु बाँकी रहेकोमा ६ करोड १८ लाख ७९ हजार सम्परिक्षण भई कायम बेरुजु ४ लाख गरी हालसम्मको ३२ करोड ४८ लाख ७१ हजार रहेको छ ।
७ जनाले लिए दोहोरो भत्ता
महालेखा परिक्षकको प्रतिवेदन अनुसार उपमहानगरमा सामाजिक शुरक्षा भत्ता अन्तर्गत ७ जनाले दोहोरो भत्ता लिएको पाइएको छ । सामाजिक शुरक्षा नियमावली २०७५ को नियम १३ मा दोहोरो सामाजिक शुरक्षा भत्ता वितरण गर्न नहुने तथा मृत्यु भइसकेका लाभग्राहीको बिवरण मुल अभिलेखबाट कट्टा गर्नुपर्ने ब्यवस्था भएपनि नमुना परिक्षणको क्रममा पालिकाले ७ जनालाई दाहोरो भत्ता दिएको पाइएको छ ।
![](https://khabarkunj.com/sites/default/files/2022-11/SARATHI-HOSPITAL-FINAL_1.gif)
![](https://khabarkunj.com/sites/default/files/2022-11/maya-metro.gif)
![](https://khabarkunj.com/sites/default/files/2021-02/SANDAR-MOMO-AD.gif)
दोहोरो भत्ता पाउनेमा धनगढी उपमहानगरपालिका १२ का तेजराम राजी, वडा नम्बर २ का गितादेवी चौधरी, कलावती पन्त, वडा नम्बर ७ की तुलसी राना थारु, गुमनी राना, कलावती राना थारु, वडा नम्बर ३ का गगां राना रहेका छन् । उनिहरुको नाममा आर्थिक बर्ष २०७९,८० मा १ लाख ७५ हजार दुई रुपयाँ बढी निकासा भएको पाइएकोले अशुल गर्नुपर्ने महालेखाको प्रतिवेदनमा उल्लेख छ ।
![](https://khabarkunj.com/sites/default/files/2022-11/maya.gif)
![](https://khabarkunj.com/sites/default/files/2021-01/GHARAHA-CHULO_0.gif)