कोरोना भाइरस (कोभिड– १९) कारण समस्यामा परेका ९ खेलाडीलाई रारीगुराँसका अध्यक्ष एकेमी मिजुबाले जनही पाराका प्रत्येक खेलाडीलाई जनही ५ हजार रुपैयाँको दरले सहयोग उपलब्ध गराएको पारा तेक्वान्दो प्रशिक्षक नेगी लामाले बताएका छन् ।
सहयोग पाउने खेलाडीमा रन्जना धामी, सृजना तामाङ, पलेशा गोबद्धन, सिता भण्डारी, विक्रम श्रेष्ठ, रामबहादुर अधिकारी, लोकराज शाही, दीपेश महत र सुबास चन्द्र राई रहेको पारा तेक्वान्दोका सचिव आलम्पियन दीपक विष्टले जानकारी दिए ।
रारीगुराँस नेपाल शाखाका अध्यक्ष रोशन श्रेष्ठ र प्रबन्ध निर्देशक रमिता शाक्यले खेलाडीलाई रकम हस्तान्तरण गरे । रारीगुराँसले विगतमा पनि खेलाडीको प्रशिक्षणलगायतमा सहयोग गर्दै आएको प्रशिक्षक लामाले जानकारी दिए ।
आलम्पियन विष्ट पारा तेक्वान्दोको स्थापनादेखि सक्रिय रहँदै आएका छन् । एनपीओ रारीगुराँसको सहयोगमा पाराका ५ खेलाडीसहित ७ जनाले गत वर्ष जापान पुगेर प्रशिक्षण अवसर प्राप्त गरेका थिए । पारा तेक्वान्दो र रारीगुराँसबीच २ वर्षको लागि सहकार्य भएपनि यो वर्ष कोभिड १९ का कारण यो वर्ष भने खेलाडी जान सकेनन् । त्यो सम्झौता अनुसार अर्को वर्ष खेलाडी प्रशिक्षणलाई जापान जाने पनि विष्टले जानकारी दिए ।
सम्बन्धित वर्गका समाचारहरू
