नेपाल बक्सिङ्ग संघ कैलालीको नयाँ नेतृत्व चयन भएको छ । रविन्द्रबहादुर रोकायाको अध्यक्षतामा नयाँ जिल्ला कार्य समिति चयन भएको हो । संघका केन्द्रीय सचिव दिनेशबहादुर सिहको अध्यक्षतामा भएको भेलाले निर्विरोध समिति चयन गरेको हो । 

समितिको उपाध्यक्षमा शुभशंकर ठाकुर, सचिवमा निर्जन श्रेष्ठ, कोषाध्यक्षमा सुरेन्द्र पाण्डेय चयन भएका छन् । सदस्यहरुमा गजेन्द्रबहादुर शाही गज्जु, दिलिप श्रेष्ठ, भरत चन्द र सञ्जिता चौधरी सर्वसम्मत चयन भएका छन् ।

समितिको चयन कार्यक्रममा कैलाली जिल्ला खेलकुद बिकास समितिका कार्यालय प्रमुख टोबहादुर बिष्टले नयाँ समितिले बधाई दिदै बक्सिङ्ग खेलको विकासका लागि नयाँ योजना र कार्यनीति ल्याएर अगाडी बढ्न सुझाव दिए ।