सुदूरपश्चिम प्रदेशका ५७ संक्रमितको विभिन्न अस्पतालमा उपचार भईरहेको छ । सामाजिक विकास मन्त्रालयको तग्ंथ्याक अनुसार बाँकी एक हजार ८ सय ६० जनाको स्थानीय तहको आईसोलेसनमा उपचार भईरहेको छ । स्वास्थ्य तथा जनसंख्या मन्त्रालयका अनुसार सुदूरपश्चिममा एक हजार नौँ सय १७ वटा एक्टिभ केस रहेका छन ।
मन्त्रालयका अनुसार टीकापुर अस्पतालमा २३, महाकाली अस्पतालमा १८, जिल्ला अस्पताल अछाममा १०, मालाखेती अस्पतालमा तीन, डोटी अस्पतालमा दुई र सेती अस्पतालमा एक जना गरी ५७ जनाको उपचार भईरहेको छ ।यस्तै सुदूरपश्चिमका आधा भन्दा बढी कोरोना संक्रमित डिस्चार्ज भएका छन् । नौँ जिल्लाका विभिन्न अस्पताल र स्थानीय तहमा बनाईएका आईसोलेसनबाट दुई हजार दुई सय दुई जना कोरोना संक्रमित डिस्चार्ज भएका हुन् ।
प्रदेशको सामाजिक विकास मन्त्रालयका स्वास्थ्य महाशाखा प्रमुख नरेन्द्र कार्कीले दुई हजार दुई सय दुई जना कोरोना संक्रमित डिस्चार्ज भएको जानकारी दिए । उनका अनुसार मंगलवार मात्रै अछाम जिल्लाका ७३ जनालाई घर पठाइएको छ । सामाजिक विकास मन्त्रालयका अनुसार अहिलेसम्म सबैभन्दा बढि डोटीका पाँच सय ३५, अछामका पाँच सय नौँ, कञ्चनपुरका चार सय ८२, डडेल्धुराका दुई सय ६७ र बैतडीका दुई सय ५२ जनााई डिस्चार्ज गरिएको छ ।
कैलालीका एक सय ३८, बझाङबाट ८७, दार्चुलाबाट १३ र बाजुराबाट दुई जना संक्रमितलाई डिस्चार्ज गरिएको छ । सुदूरपश्चिममा ८ जना संक्रमितको मृत्यु भईसकेको छ । स्वास्थ्य तथा जनसङख्या मन्त्रालयका अनुसार सुदूरपश्चिममा संक्रमितको सङख्या चार हजार एक सय २७ पुगेको छ ।
सम्बन्धित वर्गका समाचारहरू
