कैलारी गाउँपालिकाको वडा नम्बर २ को कार्यालयले समस्या परेका छ जना एकल महिलालाई आर्थिक सहयोग गर्नका लागि सिफारिस गरेका छ । 

वडा कार्यालयले महिला अधिकारको क्षेत्रमा काम गर्ने संस्था ओरेक नेपाललाई सहयोग गर्नका लागि सिफारिस गरेको हो । कोरोना भाइरस र यसअघि गरिएको बन्दाबन्दीका कारण एकल महिलालाई गुजारा गर्न समस्या भएको जनाइएको छ ।

समस्यामा परेका एकल महिलाले सहयोगको माग गर्दै वडा कार्यालयमा निवेदनसमेत दिएका थिए । सहयोगको माग गर्दै निवेदन दिने एकल महिलामा कैलारी गाउँका रामपति चौधरी, फूलकुमारी चौधरी, रामपुर गाउँका तुल्छा भुल, पार्वती कोली, उजलीसेमरका क्यारी चौधरी र लक्कडका दुर्गादेवी बोहरा रहेका छन् ।