डोटीमा क्वारेन्टिनबाट बाहिर घुम्न निस्किएका दुई जना घाइते अवस्थामा फेला परेका छन । सायल गाउँपालिका–६ मा रहेको महाकाली माविमा स्थापित क्वारेन्टिनमा बसिरहेका स्थानीय  गणेश कटवाल र शिखर नगरपालिका २ खतेडाका रमेशबहादुर बोगटी घाइते अवस्थामा फेला परेका हुन् ।

शुक्रबार क्वारेन्टिनबाट पाँच जना बाहिर निस्किएका थिए । क्वारेन्टिनबाट निस्किएर आदर्श गाउँपालिकाको मौवा बजारसम्म पुगेर फर्किने क्रममा दुई जनालाई स्थानीयले घाइते अवस्थामा फेला परेका थिए । घाइते दुईजना मध्ये कटवाल सडकमा र बोगटी सडकभन्दा तल भिरमा घाईते अवस्थामा भेटिएको स्थानीयले बताएका छन ।

घाईते दुवै जनालाई उपचारका लागि दिपायल लगिएको छ । घटनाबारे बुझ्न घटनास्थलमा प्रहरी पठाएको जिल्ला प्रहरी कार्यालयका ईन्सपेक्टर कर्ण बोहराले बताए ।