कञ्चनपुरमा रोकिएको ट्रयाक्टरको ट्रलीमा स्कुटर ठोक्किदा दुई जना घाईते भएका छन् । भीमदत्त नगरपालिका वडा नम्बर ३ को जनज्योती चोक नजिकै से १ त ४१६६ नम्बरको ट्रयाक्टरको ट्रलीमा म २ प ९४४७ नम्बरको स्कुटर ठोक्किदा दुई जना घाईते भएको प्रहरीले जनाएको छ ।

दुर्घटनामा स्कुटर चालक भीमदत्त नगरपालिका ६ ऐठपुरका ३२ वर्षीय रमेश भट्ट र सोही ठाउँका अन्दाजी ३० वर्षीय रमेश पाण्डे गम्भीर घाईते भएको जिल्ला प्रहरी कार्यालयका प्रवक्ता प्रहरी नायव उपरिक्षक अमरबहादुर थापा क्षेत्रीले बताए ।

महाकाली अस्पतालमा उपचारका लागि पुगाईएका उनीहरुलाई राती नै धनगढी रेफर गरिएको थियो । धनगढीमा पनि उपचार सम्भव नभएपछि कोहलपुर पठाईएको प्रहरीले जनाएको छ ।  ट्रयाक्टरलाई नियन्त्रणमा लिईएको छ ।