दार्चुलाको व्याँस गाउँपालिका–२ का वडा अध्यक्ष धिरेन्द्र सिंह बुढाथोकीले वडाका विपन्न परिवारको एक वर्षको विद्युत महसुल तिरिदिने भएका छन । शनिवार भएको त्रिपक्षीय सहमति अनुसार वडाका विपन्न २३ परिवारको विद्युत महसुल बुढाथोकीले तिरिदिने भएका हुन् ।

वडा नम्बर २ का स्थानियहरु दुम्लिङ लघु जलविद्युतको विजुली उपभोग गर्दै आइरहेका छन् । साउन महिनादेखि लागु हुने गरि एक वर्ष सम्मको सम्पूर्ण महसुल आफैले तिर्ने उनले बताए । “मासिक ३ हजार ३ सय ७० रुपैयाँ पर्न आउने विद्युत महशुल म आफै तिर्छु,“ उनले भने ।

विपन्न परिवारको आर्थिक सहजताको लागि आफ्नो व्यक्तिगत खर्चबाट उनीहरुको एक वर्षको महसुल तिरिदिने बुढाथोकीले बताए । बुढाथोकी नेपाली कांग्रेसबाट निर्वाचित वडाध्यक्ष हुन् ।