भारतबाट फर्किएका १८ जनालाई देव तालिम केन्द्रमा गासवासको व्यवस्था गरिएको छ । भारतबाट ४५ दिनसम्मको क्वारेन्टाइन बसाईबाट फर्कियेका १८ जना लाई देव तालिम केन्द्रमा आवासको व्यवस्था गरेको तालिम केन्द्रका सञ्चालक रविनकान्त पन्तले जानकारी दिए ।

त्यहाँ वसेकामध्ये ८ जना आफ्नो गृह जिल्ला पठाईएको र १० जना तालिम केन्द्रमै बसिरहेको पन्तले बताए । तालिम केन्द्रले बस्ने व्यवस्था गरेकोमा खानाको व्यवस्था उद्योगी श्याम तायलले गरेका छन् । गन्तव्यसम्म पुग्ने व्यवस्था जिल्ला प्रशासन कार्यालय कैलालीले गरेको हो । 

सामाजिक दुरी कायम गर्दै १५÷२० जनालाई दुई सातादेखि फार्म हाउस फुलवारी १४ मा काम दिएको पन्तले बताए । छाक टार्न समस्या भएका उनीहरुलाई समान ज्यालामा कामको व्यवस्था गरिएको हो ।