धनगढीमा थप एकजना प्रहरीमा कोरोना संक्रमण पुष्टि भएको छ। धनगढी उपमहानगरपालिका वडा नम्बर ६ का २८ वर्षीय प्रहरीमा कोरोना पुष्टि भएको जिल्ला प्रहरी कार्यालय कैलालीले जनाएको छ।

जिल्ला प्रहरी कार्यालयका प्रवक्ता प्रहरी नायब उपरिक्षक प्रतिक विष्टले उपचार गरेर काठमाडौँबाट फर्किएका प्रहरीमा कोरोना पुष्टि भएको बताए। उनको दर्जा भने खुलाईएको छैन्।

यो सँगै कैलालीमा संक्रमित प्रहरीको संख्या पाँच पुगेको छ। यसअघि जिल्ला प्रहरी कार्यालयमा कार्यरत चार जना प्रहरीमा कोरोना पुष्टि भएको थियो।