धनगढीबाट भन्सार छलीको सामान सहित एक जनालाई पक्राउ गरिएको छ।  जिल्ला प्रहरी कार्यालयबाट खटिएको टोलीले धनगढी उपमहानगरपालिका वडा नम्बर ३ को चटकपुरबाट भन्सार छलीको सामान सहित गोदावरी नगरपालिका वडा नम्बर ७ का ३९ वर्षीय धनबहादुर देउवालाई पक्राउ गरेको हो।

देउवाले भारतबाट अवैध रुममा भन्सार चोरी पैठारी गरी ट्याक्टरका विभिन्न पाठ पुर्जा र सुपर पावर सुर्ती गरी ३५ हजार आठ सय बराबरको सामान ल्याउँदै गर्दा उनलाई पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरिक्षक प्रतिक विष्टले बताए।

बरामद गरिएको सामान सहित पक्राउ परेका देउवालाई आवश्यक कारवाहीका लागि भन्सार कार्यालय कैलालीको जिम्मा लगाईएको प्रहरीले जनाएको छ।