म्यान्चेस्टर युनाइटेडले आयाक्सका मिडफिल्डर डोनी भान डे विकलाई अनुबन्ध गर्ने नजिक पुगेको छ । खेलाडीको अनुबन्धका लागि युनाइटेडले ४ करोड पाउन्ड तिर्ने दुई क्लबबीच सहमति भएको बीबीसीले जनाएको छ ।
युनाइटेडका म्यानेजर ओले गनर सोल्क्सायर २३ वर्षीय नेदरल्याण्डका खेलाडीको ठूलो प्रशंसक रहेका छन् । उनको खेल हेर्न सोल्कसायर धेरै पटक स्टेडियममा पनि पुगेका छन् । मेडिकल र व्यक्तिगत करारमा कुरा मिलेपछि आगामी केही दिनमा नै औपचारिक सम्झौता हुने बताइएको छ ।
भान डे विकले युनाइटेडसँग ५ वर्षको करार गर्ने र १९ सेप्टेम्बरमा प्रिमियर लिगमा हुने क्रिस्टल प्यालेस विरुद्धको खेलमा उनी उपलब्ध हुने अपेक्षा गरिएको छ ।
भा डे विक सन् २०१९ को च्याम्पियन्स लिगको सेमिफाइनलसम्म पुग्ने आयाक्सको टोलीका सदस्य हुन् । युनाइटेडले बोरुसिया डर्टमन्डका विंगर जाडोन सान्चोलाई पनि अनुबन्ध गर्ने प्रयास गरिरहेको छ ।
सम्बन्धित वर्गका समाचारहरू
