सुदूरपश्चिममा पाँच हजार ६ सय ६५ जनाले कोरोनालाई जितेका छन् । आईतबारसम्म पाँच हजार ६ सय ६५ जना संक्रमण मुक्त भएको प्रदेश स्वास्थ्य निर्देशनालयले जनाएको छ ।
कैलालीका एक हजार ६ सय ६९ जना, अछामका नौ सय १२ जना, डोटीका नौ सय १० जना संक्रमण मुक्त भएका छन् । कञ्चनपुरका ६ सय २० जना बैतडीका तीन सय २५, बझाङका तीन सय ६६ जना, बाजुराका चार सय ४२, डडेल्धुराका तीन सय १६ जना र दार्चुलाका ४५ जना संक्रमण मुक्त भएको स्वास्थ्य निर्देशनालयले जनाएको छ ।
सुदूरपश्चिममा कोरोना संक्रमितको संख्या भने साढे ६ हजार नाघेको छ । प्रदेशमा आईतबार ७६ जना जनामा संक्रमण पुष्टि भएसँगै संक्रमितको संख्या ६ हजार पाँच सय १० पुगेको हो । सबैभन्दा बढि कैलालीका दुई हजार ५३ जना संक्रमित रहेका छन् ।
डोटीमा नौ सय ६७, अछाममा नौ सय ३७, कञ्चनपुरमा सात सय २८, बझाङमा चार सय ३९, बैतडीमा तनि सय ८१, बाजुरामा चार सय ५३ जना, डडेल्धुरामा तीन सय २५ जना, दार्चुलामा ५२ जनामा संक्रमण पुष्टि भएको छ । संक्रमण पुष्टि भएका १४ जनाको मृत्यु भईसकेको छ ।
सम्बन्धित वर्गका समाचारहरू
