थुनुवामा कोरोना पुष्टि भएपछि जिल्ला प्रहरी कार्यालय बैतडी सिल गरिएको छ । एक जना थुनुवामा कोरोना भाईरसको संक्रमण पुष्टि भएपछि जिल्ला प्रहरी कार्यालय बैतडी सिल गरिएको  हो ।

कर्तव्य ज्यान मुद्दामा पक्राउ परेका शिवनाथ गाउँपालिका वडा नम्बर १ का २२ वर्षीय युवकमा कोरोना पोजेटिभ देखिएपछि जिल्ला प्रहरी कार्यालय बैतडी सिल गरिएको हो ।
बैतडीका प्रमुख नायव उपरिक्षक डिल्लीनारायण पाण्डेयले थुनुवामा रहेका युवकका कोरोना पुष्टि भएपछि कार्यालय सिल गरिएको बताए ।

संक्रमितको सम्पर्कमा रहेका सबैको परिक्षण गर्ने तयारी गरिएको छ । संक्रमित युवकलाई प्रहरीले वैशाख १५ गते कर्तव्य ज्यानको मुद्धामा पक्राउ गरिएको थियो ।  उनी चैत ६ गते भारतबाट आएका थिए ।