नेपाल बाल संगठन कैलालीको अध्यक्षमा विद्यार्थी नेता चुडामणी भट्ट नियुक्त भएका छन् । बाल संगठनको केन्द्रिय कार्य समितिले कैलाली जिल्लाको अध्यक्षमा भट्टलाई नियुक्त गरेको हो । केही समय अगाडी महिला बालबालिका तथा समाज कल्याण मन्त्रालयले नेपाल बाल संगठनको केन्द्रिय तदर्थ कार्य समिति गठन गरेको थियो ।

देशभर रहेका बाल संगठनहरुका शाखामा अध्यक्षहरु नियुक्त गर्ने क्रममा कैलालीमा भट्टलाई जिम्मेवारी दिईएको हो । आफुलाई नेपाल बाल संगठन कैलालीको अध्यक्षमा नियुक्त भएको कुरा फोन मार्फत जानकारी दिईएको भट्टले बताए ।

उनका अनुसार अब जिल्ला कार्य समितिलाई पुर्णता दिईनेछ । भट्ट कैलाली वहुमुखी क्याम्पसका स्ववियु सभापति पनि रहेका छन् । उनी अनेरास्ववियुका केन्द्रिय सदस्य समेत रहेका छन् ।