धनगढी– जुगेडास्थित अस्थायी प्रहरी चौकीमा कार्यरत एक प्रहरी मृत फेला परेपछि वेपत्ता अर्का प्रहरीको खोजीका लागि गोताखोर टोली घटनास्थलमा पठाइएको छ। सशस्त्र प्रहरीको अत्तरियास्थित ७ नम्बर बाहिनीको गोताखोर टोली घटनास्थलतर्फ गएको सशस्त्रका डिआइजी हरिशंकर बुढाथोकीले बताए।

शनिवार राति असई गोविन्द बिक र प्रहरी जवान रामबहादुर साउँद वेपत्ता भएका थिए भने एक जनाको आईतवार बिहान मोहना नदिमा शव फेला परेको थियो। एक जना अझै अझै सम्पर्कमा नआएकाले गोताखोर टोली घटनास्थल पठाइएको हो। 

तस्कर सँगको भिडन्तमा एक जना प्रहरीको मृत्यु भएको आशंका गरिएपनि त्यसको अझै पुष्टि हुन सकेको छैन्। सुदूरपश्चिम प्रहरी प्रमुख डिआइजी उत्तम सुवेदी अहिले घटनास्थलमा छन्।