धनगढी उपमहानगरपालिका वडा नम्वर १२ को अस्थायी प्रहरी विटमा कार्यरत प्रहरी सहायक निरिक्षक असईको हत्यामा संलग्न भएको आशंकामा ११ जनालाई प्रहरीले नियन्त्रणमा लिएको छ।

अस्थायी प्रहरी विट जुगेडाका इन्चार्ज प्रहरी सहायक निरिक्षक गोविन्द विकको हत्याका विषयमा सोधपुछका लागि ११ जनालाई पक्राउ गरिएको प्रदेश प्रहरी कार्यालय सुदूरपश्चिमका प्रहरी वरिष्ठ उपरिक्षक मुकेश कुमार सिंहले बताए। 

शनिबार राति गस्तीमा खटिएका बेला वेपत्ता भएका प्रहरी सहायक निरिक्षक विकको आज बिहान मोहना नदीमा शव फेला परेको थियो। उनीसंगै गस्तीमा गएका प्रहरी हवल्दार रामबहादुर साउँदको अवस्था अझै अज्ञात रहेको छ।