धनगढी–धनगढी उपमहानगरपालिका–१२ जुगेडामा रहेको अस्थायी प्रहरी पोस्टमा कार्यरत प्रहरी जवान रामबहादुर साउदको अवस्था अझै अज्ञात छ।

संगै गस्तीमा गएका प्रहरी सहायक निरीक्षक (असई) गोविन्द बिकका मोहना नदीमा बिभत्स हत्या गरिएको अवस्थामा शव भेटिएकोमा साउँदको अवस्था अज्ञात रहेको हो।

उनको खोजी कार्य जारी राखेको प्रदेश प्रहरी कार्यालयका प्रहरी वरिष्ठ उपरिक्षक मुकेश कुमार सिंहले बताए। उनका अनुसार सशस्त्र प्रहरीको गोताखोर टीमले समेत उनको खोजी गरिरहेको छ।

शनिवार राती १० बजेपछि असई बिक र जवान साउँद सम्पर्कविहिन भएका थिए। विकको घाँटीमा धारिलो हतियार प्रहार गरी हत्या गरिएको अवस्थामा शव फेला परेको थियो।