धनगढी– कैलालीका ७३ सहित थप ८८ जनामा कोरोना संक्रमण पुष्टि भएको छ। सेती प्रादेशिक अस्पतालको प्रयोगशालामा भएको परीक्षणमा थप ८८ जनामा संक्रमण पुष्टि भएको हो।
अस्पतालका सूचना अधिकारी दिलिप कुमार श्रेष्ठका अनुसार धनगढी उप महानगरपालिका वडा नम्वर १ का १३ जना, वडा नम्वर २ का एक जना, वडा नम्वर ३ का सात जनामा संक्रमण पुष्टि भएको छ।
वडा नम्वर ४ का पाँच जना, वडा नम्वर ५ का तीन जना, ६ का दुई जना, वडा नम्वर ७ का दुई जना र वडा नम्वर १३ का एक जनामा संक्रमण पुष्टि भएको सूचना अधिकारी श्रेष्ठले बताए।
यस्तै कैलालीको टीकापुर नगरपालिकाका २५ जना, गोदावरीका ५ जना, गौरीगंगाका एक जना, मोहन्यालका दुई जना र स्थानीय तह नखुलेका चार जनामा संक्रमण पुष्टि भएको छ।
कञ्चनपुरकोृ भीमदत्त नगरपालिकाका सात जना, कृष्णपुरका दुई जना, शुक्लाफाँटाका एक जना, स्थानीय तह नखुलेका एक जना, डोटीको बडिकेदारका तीन जना र बैतडीको दशरथचन्दका एक जनामा संक्रमण पुष्टि भएको छ।
सम्बन्धित वर्गका समाचारहरू
