कोरोना भाइरस (कोभिड–१९) को संक्रमणका कारण दार्चुलामा  मृत्यु भएका पुरुषको शव व्यवस्थापन  गरिएको  छ । उपचारका क्रममा मृत्यु भएका दुहुँ गाउँपालिका–२ हिकिलाका ५३ वर्षीय पुरुषको शव ब्यबस्थापन नेपाली सेनाले गरेको छ ।

भवानीदल गणबाट सह सेनानी नवलसिंह रोकायाको कमाण्डमा खटिएको टोलीले कैलालीको गोदावरी- ४ तेघरीको जंगलमा शव व्यवस्थापन  गरेको जनाएको छ । 

चार दिन पहिले ज्वरो संगै श्वासप्रश्वासमा समस्या देखिए पछि उपचारका लागि धनगढी आएका उनको उपचारका क्रममा मृत्यु भएको स्वास्थ्य कार्यालय दार्चुलाका प्रमुख जयराज भट्टले जानकारी दिए । उनको मृत्यु भए पछि गरिएको कोरोना परीक्षणमा रिपोर्ट पोजेटिभ आएको थियो ।