जिल्ला कारागार दार्चुलाका ३५ जनामा कोराना संक्रमण पुष्टि भएको छ ।
दार्चुला कारागारबाट कोरोना परीक्षणका लागि स्वाब संकलन गरिएका ३५ जनाको बुधबार डडेल्धुरा अस्पतालको प्रयोगशालामा कोरोना परिक्षण गरिएको थियो ।
कारागारभित्र ठाउँ अभावमा संक्रमितलाई अलग्गै कोठामा राख्न सकिने अवस्था नभएको कारागार कार्यालय दार्चुलाका प्रमुख मानबहादुर खडायतले जानकारी दिए । । दार्चुला कारागारको २५ जना पुरुष र १५ जना महिला गरि ४० जना कैदिबन्दी राख्ने क्षमता हो ।
तर अहिले क्षमताभन्दा २० जना बढी कैदीबन्दी राखिएका छन् । हाल दार्चुला कारागारमा १२ थुनुवा र ४८ जना कैदी गरि ६० जना कैदीबन्दी रहेका छन् जसमा ५७ जना पुरुष र ३ जना महिला कैदी रहेको कारागार प्रमुख खडायतले बताए । बुधबार संक्रमण पुष्टि हुनेमा ३० जना कैदीबन्दी र ५ जना कारागारमा कार्यरत कर्मचारी र सुरक्षाकर्मी छन् ।
फरार अभियुक्तको सूचिमा रहेर भारतबाट फर्किएका कैदीलाई प्रहरीले पक्राउ गरि अदालतबाट कारागार चलान गरेको थियो । उनिहरुबाट नै कारागारभित्र कोरोनाले प्रबेश पाएको हुनसक्ने आशंका गरिएको छ ।
सम्बन्धित वर्गका समाचारहरू
