सुदूरपश्चिममा कोरोनाका सक्रिय संक्रमितको संख्या एक हजार ६ सय ४२ पुगेको छ । सोमवार थप एक सय ९ जना कोरोना संक्रमित थपिएसँगै सक्रिय संक्रमितको संख्या एक हजार ६ सय ४२ पुगेको हो । आईतबार संक्रिय संक्रमितको संख्या एक हजार पाँच सय २० रहेको थियो । 

सक्रिय संक्रमित मध्ये ८६ जना अस्पतालमा उपचाररत रहेका छन । ति मध्ये १७ जनाको आईसियु र भेन्टिलेटरमा उपचार भईरहेको छ । हालसम्म प्रदेशमा ४२ जनाको कोरोना संक्रमणका कारण मृत्यु भएको छ ।  

सक्रिय संक्रमितका कैलालीका मात्रै ६८८ जना छन् । यस्तै अछाममा ८६, बैतडीमा ४०, बझाङमा १९१, बाजुरामा १०, डडेल्धुरामा ६६, दार्चुलामा १९९ र कञ्चनपुरका १०८ जना सक्रिय संक्रमित छन् । यसबाहेक २० जना अन्य जिल्लाका छन् ।