दार्चुला जिल्लाको लेकम गाउँपालिका वडा नम्बर १ मा तालाबन्दी गरिएको छ । सडक निर्माणका क्रममा सहिद गेट भत्कीएको हालसम्म पुनः निर्माण कार्य नभएको भन्दै माग पुरा गराउनका लागि बिहीबार सहिद परिवारले वडा कार्यालयमा तालाबन्दी गरेका हुन् ।

गत आर्थिक वर्ष २०७६÷७७ मा भत्काइएको सहिद गेट निर्माण गराउने जिम्मेवारी वडा कार्यालयले लिएपनि हालसम्म निर्माण नगरिएको भन्दै सहिद परिवारले तालाबन्दी गर्न बाध्य भएको सहिद परिवारका मोहनसिंह बिष्टले बताए । वडा कार्यालयले गेट निर्माण गराउने जिम्मेवारी लिएपश्चात् दुई पटक निबेदन दिएपनि वास्ता नगरेको भन्दै वडा कार्यालयमा तालाबन्दी गरिएको सहिद परिवारले बताएका छन् ।