दार्चुलाका ९ स्थानीय तहमध्ये ६ वटा स्थानीय तहमा कोरोनाका सक्रिय संक्रमित शुन्य रहेका छन् । जिल्लाको महाकाली नगरपालिका, शैल्यशिखर नगरपालिका, मालिकार्जुन गाउँपालिका, मार्मा गाउँपालिका, अपिहिमाल गाउँपालिका र नौगाड गाउँपालिका कोरोनामुक्त रहेको स्वास्थ्य कार्यालयका दार्चुलाले जनाएको छ ।

अहिले दार्चुलाका ३ वटा स्थानीय तहमा चार जना मात्रै सक्रिय संक्रमित रहेका छन् । दुहुँ गाउँपालिकामा २ जना, लेकम गाउँपालिका र ब्यास गाउँपालिकामा १÷१ जना गरी ३ स्थानीय तहका ४ जना मात्रै सक्रिय सक्रमित रहेको स्वास्थ्य कार्यालय दार्चुलाले जनाएको छ ।

दार्चुलाको अपिहिमाल र नौगाड गाउँपालिकामा हालसम्म संक्रमित फेला परेका छैनन् ।