कञ्चनपुरको बेदकोट नगरपालिका वडा नम्बर ८ का एक स्थानीयको परालको टौवामा आगलागी भएको छ ।  शनिबार दिउँसो करिव साढे ४ बजेतिरको समयमा परालको टौवामा आगलागी भएको जिल्ला प्रहरी कार्यालय कञ्चनपुरका प्रहरी प्रवक्ता प्रहरी नायव उपरीक्षक अमर बहादुर थापाले बताए ।

स्थानीय धनसिंह महराको ३ विगाहा जमिनमा लगाईएको परालमा आगलागी भएको उनले जनाए ।  अन्दाजी २५ हजार मूल्य बराबरको पराल जलेर नष्ट भएको र आगलागी के कति कारणले भएको हो, सो बारे भने नखुलेको प्रहरी प्रवक्ता थापाले बताएका छन् । प्रहरी र स्थानीयको सहयोगमा आगो निभाईएको उनले जानकारी दिए ।