उपचारका लागि धनगढी ल्याउँदैै गर्दा ज्यान गुमाएको नेपाल विद्युत् प्राधिकरण वितरण केन्द्र दार्चुलाका कर्मचारीको रिपोर्ट पोजिटिभ आएको छ । श्वास प्रश्वासमा समस्या देखिएपछि जिल्ला अस्पताल दार्चुलामा भर्ना भएका ती कर्मचारीलाई शनिबार धनगढी रेफर गरिएको थियो ।

शरीरमा अक्सिनको मात्रा न्यून रहेका ती कर्मचारीको बैतडीको सतबाँज नजिकै सलेनामा पुग्ने बेला राति १ बजेतिर ज्यान गएको महाकाली नगरपालिका स्वास्थ्य संयोजक मोहन सिंह महराले बताए । मृत्यु पश्चात् बैतडी प्रयोगशाला कोरोना परीक्षण गर्दा रिपोर्ट पोजिटिभ आएको स्वास्थ्य संयोजक मोहन महराले बताए ।