सुदूरपश्चिम प्रदेशको एउटा प्रयोगशालामा मंगलबार २३ जनाको परीक्षण गर्दा थप ५ जनामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा पछिल्लो २४ घण्टामा २३ जनाको परीक्षण गर्दा थप ५ जनामा संक्रमण पुष्टि भएको सामाजिक विकास मन्त्रालयका प्रवक्ता नरेन्द्र कार्कीले जानकारी दिए ।  

अस्पतालका सूचना अधिकारी दिलिपकुमार धनगढी उपमहानगरपालिकाका ३ पुरुष र २ महिलामा  संक्रमण देखिएको जानकारी दिए । यो सँगै सुदूरपश्चिममा कोरोना संक्रमितको संख्या १० हजार ९ सय ४३ पुगेको छ । प्रदेशभर संक्रमण पुष्टि भएका ८ हजार ८ सय जनाले कोरोना जितेका छन् भने ४७ जनाको मृत्यु भएको छ ।

मंगलबार प्रदेशका अन्य प्रयोगशालामा भने कोरोना परीक्षण नभएको सामाजिक विकास मन्त्रालयका प्रवक्ता कार्कीले जानकारी दिए ।