डोटीको जोरायल गाउँपालिकामा शैलेश्वरी जोरायल फुटबल कप २०७७ सुरु भएको छ । जोरायल गाउँपालिकाको आयोजनामा भएको प्रतियोगिताको उद्घाटन गाउँपालिका अध्यक्ष दुर्गा ओझाले गरे । उद्घाटन खेलमा जोरायल स्पोर्टस् क्लबले सानदार जित दर्ता गरेको छ ।

जोरायल स्पोर्टस् क्लबले युनिक युथ स्पोर्टस् क्लबमाथि ४–० को सानदार जित हासिल गरेको हो । खेलका नायक विनोद केसी भए । उनले ह्याट्रिक सहित चार गोल गरे । यो जितसँगै जोरायल स्पोर्टस् क्लब सेमिफाईलन प्रवेश गरेको छ । 

मंसीर २१ गतेसम्म अयोजना हुने प्रतियोगिताको विजेताले एक लाख ११ हजार १११ तथा उपविजेताले ५५ हजार ५५५ नगद पुरस्कार पाउनेछन् ।