फागुनमा हुने एलपिएलको पाँचौ संस्करणको हस्पिटालिटी पार्टनरको रुपमा धनगढीको ईमेज होटेलले साथ दिएको छ । फागुन तेस्रो साता धनगढीमा हुने लिटल फ्लावर प्रिमियर लिगको पाँचौ संस्करणमा ईमेज होटेल हस्पिटालिटी पार्टनर भएको हो । अघिल्लो बर्ष पनि ईमेश हस्पिटालिटी पार्टनर रहेको थियो । प्रतियोगिताको लगातार दोस्रो पटक होटेलले प्रतियोगितामा प्रायोजन गरेर साथ दिएको हो ।
लिटल फ्लावर स्पोर्टस एण्ड ईभेन्ट्को आयोजनामा हुने प्रतियोगिताको प्रायोजन सम्झौता भएको छ । आयोजकका तर्फबाट संस्थापक तथा प्रबन्धक रामचन्द्र शाही र ईमेल होटेलका तर्फबाट संस्थापक प्रबन्ध निर्देशक दीप रावतले सम्झौता पत्रमा हस्ताक्षर गरे । ईमेज बुक्स एण्ड स्टेशर्नससँगै पछिल्लो एक बर्षदेखि धनगढीमा ईमेज होटेल स्थापना भएको हो ।
अघिल्लो बर्षको असोजदेखि होटेल सञ्चालनमा रहेको छ । अत्याधुनिक सुविधा सम्पन्न एसी रुमहरु सहित होटेलमा २७ वटा कोठाहरु रहेका छन् । मिटिङ हल क्याविन रेष्टुरेन्ट लगायतका सेवाहरु होटेलले दिदैं आएको छ ।
शिक्षा क्षेत्रमा लामो समयदेखि आबद्ध रहदै आएकोमा क्रिकेटको जग बसाल्न थालिएको प्रतियोगितामा आफुहरुले योगदान गरेको होटेलका संस्थापनक प्रबन्ध निर्देशक दीप रावतले बताए । एलपिएलको तयारी सुरु भएसँगै प्रायोजकहरु जोडिने क्रम सुरु भईरहेको छ ।
सम्बन्धित वर्गका समाचारहरू
